MGA BABAE TALAGA OO

*gabe, usapang lalake
*sindi ng yosi
*hit-hit
*buga

Musta na pare? Ako, ok lang. Eto, muni-muni. Nag-iisip. Minsan talaga may mga bagay na hindi ko maintindihan. Ewan ko ba!!

*hinga ng malalim

Bakit ba ganun pare, ilang beses ko ng pinag-aralan pero lagi na lang lumalabas na parang kahit ‘sang anggulo tingnan, hindi nagiging patas para sa mga lalake ang ibang bagay pagdating sa pagmamahal.

*tingin sa stars

Minsan naisip ko, alam kaya ng mga babae ang hirap ng lalake na gumawa ng first move para magtapat ng pagmamahal? E yung hirap na dinadanan sa panliligaw at pagsuyo sa mahal niya? Ang feeling na masaktan, pag nabasted? Malamang-lamang siguro, hindi ano. Wala naman yata silang pakialam sa paghihirap naten eh. Ang alam lang yata nila ay mamili, manakit at magsaya. Tingin mo?

*tingin sa malayo

Lagi naman ganun. Una palang, lalake na ang naghihirap. Hassle sa atin ang panliligaw pero bago pa yun, kung ano pang diskarte ang gagawin para masabi natin sa kanila na mahal natin sila. Alam kaya nila iyun? Mahirap magsabi na mahal mo yung babae diba? Tapos liligawan pa naten. Papatunayan na mahal nga sila. Susuyuin to the max. maghahatid sa bahay, tutulungan, sasabayan, palalamunin, pagtyatyagaan, lahat na. kulang na lang e pagsilbihan mo ng walang sahod. At ano ang kapalit? Well, depende sa trip nila, oo tol, sa trip lang nila. Wala silang pake kesehodang mahal nating talaga sila. Basta ang alam nila, kapag di nila tayo trip, isang malaking HINDE ang makukuha natin, kahit umiyak pa tayo ng dugo o lumuhod sa asing buo-buo. Para lang silang namimili ng damit na di man lang sinukat bago ayawan. Kaya kahit mahal na mahal na mahal natin, sorry tayo. Hindi standards o uuwi ka na lang badtrip, iiling-iling at minsan, luhaan.

Wala na tayong magagawa, marami silang alibi. “hindi pa ako ready eh”, “sorry pero I think we should be just friends..”. “ha? Uhmmm.. nagpapatawa ka ba? Hahaha”, “better luck next time na lang muna, ok lang?”, “give me a decade, pag-iisipan ko muna”, “para lang kitang kapatid e”. Isang pagsasaklob ng langit at lupa yon para sa atin.

*kuha ng bote ng beer
*lagok
*lunok

At hindi lang yon tol. Sa pre-relationsihp stage pa lang yon. Pag sinagot na nila tayo, sa atin pa din ang hassle. Tayo daw ang mga lalake kaya tayo ang hahawak ng relasyon. Tayo ang aayos kung may gulo, tayo dapat ang magpapakabait, tayo ang magtyatyaga, tayo ang magiging devoted at faithful, tayo, tayo, tayo. Sila? Ummm… teka isipin ko!

Ayun! Sila ang magsasabi kung anong oras dapat tayo magmeet, sila ang magtetext ng mga mushy at kakaibang text, sila ang mag dedemand sayo ng kung anu-ano, sila ang mag babawal, sila ang magsasabi kung kelan ka dapat mag shave, kung kelan pwedeng tumawag sa kanya, kung kelan di sila dapat bad tripin dahil meron sila, at kung kelan ka korni. Ewan. Ganun ata talaga.

*kuha ng bote ng beer
*lagok
*lunok

Hindi pa yun tapos pare, dahil dapat tayo ang bahala kung ano ang magiging takbo ng relasyon. Pag maganda, edi ok. Pag may problema, kasalanan natin. Haaay buhay. Minsan talaga kung tutuusin sakit sila sa ulo. Kaya lang mahal natin kaya di natin iniintindi yun.

*hinga ng malalim

Pero alam mo tol, feeling ko mas sincere pa tayo magmahal sa kanila. Alam mo yun, iba tayo magmahal e. hindi ang parang laru-laro lang. seryoso. At kung magmamahal man tayo, lubus-lubusan, mas mature. Hindi yung parang pambata lang gaya nila na kesyo magseselos-selos, iiyak-iyak, iina-inarte, dadrama-drama, at kung anu-ano pa. hindi lang kababawan. Ka mushyhan. Kababaihan. Iba tayo mag mahal.

At ito pa ang pinakamasaklap.

*singhot
Ang ending ng relasyon. Sa panahong to’ either sawa na sila, hindi nila tayo trip, may nahanap na silang better sa atin o kaya they need fucking space and time muna. Bad trip no? wala na naman tayong coice. Sila ang masusunod.

At ano pa ang kasamang hassle don? Sympre wasak na image natin. Tayo na ang lalabas na may kasalanan. Na playboy. Na nagpapaiyak.

*iiling-iling

Tayo syempre yung antagonist at sila yung bidang inaapi at parang mga pusang iiyak-iyak. At ang ending: mag-oofer sila ng “friendship” kuno natapos tayong pag sawaan, lahat ng gifts natin sa kanila, sawi tayo sa pag-ibig, “player” na ang image natin, at higit sa lahat, mag-iisip kung paano ipagpapatuloy ang buhay. Maiiwan tayong tulala, mag-iisip kung saan nagkamali, mamomoblema sa pag-aadjust sa pagiging single, at din a naman makakatulog.

Haay buhay. Ang hirap maging lalake. Lagi ka na lang iniiwan sa ere. Ano? Hindi ka nagsalita? In-love ka no?

Ako, kamusta? Eto. Yoyosi-yosi. Bubuntong-buntong hininga. Titingin-tingin sa stars. Mumuni-muni. Lalagok-lagok ng alak.

Ang mga babae talaga, oo..