Ano ba ito? Kaming mga babae nanaman ang nakita. Lalake, agrabyado. Lalake kinakawawa. Lalake, hindi maintindihan. Hmmp, parang masyado yatang nag-isa ang mga kabaro ko.
Tungkol sa pagiging patas sa ngalan ng pag-ibig, kami naman ang laging talo a, hindi kayo. Kami ang laging lugi, kami ang laging nawawalan at iniiwan.
Kapag naman ngumiti ka ng konti, nag-ayos ng konti pagkakamalan ka nang MALANDI. Hindi pang seryosohang relasyon. Marinig lang nila na malakas kang magsalita, PALENGKERA o T.O. na sa kanila iyon. Mahilig silang tumingin sa mga babaeng sexy kung manumit. Kulang na lang Makita na kaluluwa. Pero kapag babaeng seryosohin at gustong ligawan dapat desente, dapat mala-angel ang mukha, dapat mukhang inosente. Tapos kami pa raw ang mahilig mamili? Parang baliktad?
Ok, ayan na nanliligaw na si lalake. Dapat pakipot ka para suyuin ka, para habulin ka pa lalo. Kapag hindi naman nag pakipot “easy to get” naman ang tingin sayo. Hindi ka na seryosohin. Sino bang may sabing mag paalila kayo, di naman naming hawak ang buhay nyo. Natural lang na mag tiis kayo, may gusto kayo sa amin eh. Kapag nakuha niyo na iyon wala na lahat ng paghihirap niyo, babaliktad na ang sitwasyon kami naman ang mamomroblema. Para lang kayong may gustong bilhin na bagay. Upang mabili ito kailangan munang mag-sakripsyo, magtipid at mag tiis. Pag nabili na, napagsawaan wala na, bale wala na. Diyan ka na sa tabi tabi. Tawagan nalang kita pag trip ko o kayay pag may gusto akong ipagawa sayo.
Ano pa ba? E di sinagot mo na diba. Utang na loob pa natin yun. Dahil naghirap daw sila sa panliligaw, dapat masuklian natin iyon ng higit pa. Sa umpisa kailangan malambing ka, maayos at laging magsisilbi sa kanya.
Ayaw daw nilang humawak ng relasyon, pero kapag ikaw naman ang nagmando aba, masasakal ka naman. Sasabihin sayo “demanding” ka. Meron ka pang maririnig na “I think we need space” at kung anu-ano pang ek-ek. Sino rin may sabing dapat kaming magpakabait, maging devoted at faithful? Kapag kami ang sumuway ng mga iyan, iba na ang tingin sa amin. Malandi na kami, haliparot, pakawala, makikay at kung anu-ano pang mga bansag na itatawag sa amin. Kapag kayo ang gumawa noon, ok lang. Lalake kayo eh, macho kayo pag ginawa nyo yun. Kaya kami walang magawa. Magpapakaburo at magpapakamadre na lang. kapag nagloko na kayo ano pa bang magagawa namin? Edi iiyak na lang. Wala naming ibang magagawa eh. Tungkol naman sa tinatawag nyong pagdedemand!! Karapatan lang naming iyon. Karapatan naming na lambingin niyo kami, icheck at ipakita sa amin na mahal nio kami.
Hindi rin ibig sabihin na mas sincere kayo sa amin. Seryosohin din naman kami ah. At ang maturity wala na yan sa edad. Mas maaga nga kaming mag mature sa inyo. Ang isang 19 y/o na lalake eh, isip 15 pa iyun. It follows iyan sa lahat ng age group. Mas mataas pa nga kung minsan ang pagbawas ng level ng maturity. Kayo ang mag math. Pati yung pag-iyak naming pinupunterya niyo. Kesyo drama daw. Diba kapag umiyak nagbuhos ka ng emosyon dyan. Ang tingin nyo sa amin mga artista?
Alam nyo iyon? Yun bang kulang na lang ay lumuha ka ng dugo, pero hindi ka pa rin papansinin. Sasabihan ka pang tigilan na ang pag dradrama. Hindi nila kami maintindihan kapag nagselos kami. Bakit naman kami nagseselos kung wala kaming nakikita? Mas iba kaming mag mahal. Mas masarap. Kapag natapos na ang lambingan, eh di syempre iwanan blues na. Kami pa raw ang nagsawa, kami pa raw ang nagtritrip lang. Sino ba ang lumayas kapag may nakita ng bago? Sino ba ang mayabang? Sino ba ang nagmamalaki? Kami ba? Kami ang walang choice. Kasi ang babae pag sinabing “break na tayo” lambingan lang ng konti balikan blues na iyan. Kapag ang lalake ang umayaw, pucha, bahala ka dyan. Kahit mag tambling kapa sa harap niya. Wa-epek! Umiyak ka ng bato. Wa-epek. Tsk tsk tsk. Sila pa raw ang kawawa.
Post-break up, mahal pa ng babae si lalaki. Sasamantalahin ni lalaki. Magpapagawa ng kung anu-ano. Naaalala ka lang kapag may kailangan sa iyo. Kapag pumangit ka after break up, magpapasalamat sila na iniwan ka nila. Kapag gumanda ka naman, ipagkakalat sa buong sangkatauhan na naging girlfriend ka niya. Sala sa init, sala sa lamig.
Ano ba namang buhay to? Ang hirap maging babae noh? Kala nila laging sila na lang. Lagi rin kaming naiiwan sa ere.
Mga lalake talaga oo..
No comments:
Post a Comment